ЎзР фуқаролигига қабул қилиш ҳужжатларини расмийлаштириш тартиби

Ўзбекистон Республикасининг ҳориждаги консуллик муассасалари томонидан ҳорижий шахслар ёки фуқаролиги бўлмаган шахслардан Ўзбекистон Республикаси фуқаролигига қабул қилиш бўйича ариза ва ҳужжатлар қабул қилинади.

Ўзбекистон Республикаси фуқаролигига қабул қилиш бўйича ариза ва ҳужжат топшириш учун аризачи Ўзбекистон Республикасининг ҳориждаги консуллик муассасасига шаҳсан мурожаат этиши талаб этилади. Шу билан бирга, қуйидаги ҳужжатларни илова этади:

· Ўзбекистон Республикаси Президенти номига ариза; Ўзбекистон Республикаси фуқаролигини қабул қилиш ва Ўзбекистон Республикаси ҳудудида доимий яшаш мақсадини билдирган шахс, фуқароликни қабул қилиш бўйича аризасида Ўзбекистон Республикаси ҳудудида турар-жой ёки иш билан таъминланиш масаласини кўрсатиши лозим;

·    ўрнатилган тартиб бўйича анкета-ариза;

·    автобиография ва яқин қариндошлари ҳақида маълумот;

·    3 та сурат;

·  Ҳорижий давлат фуқаролигидан чиққанлигини ёки фуқаролиги ёқлиги тасдиқловчи ҳужжат;

·    Шахс, Ўзбекистон Республикаси фуқаролигини қабул қилиш тўғрисидаги аризаси бўйич тўпланган ҳужжатда отаси ёки онаси, бувиси ёки бувасининг Ўзбекистон Республикаси ҳудудида туғилганлигини исботловчи ҳужжатини илова этиши лозим.

Фуқароликка қабул қилиш бўйича аризанинг кўриб чиқилиш муддати 1 йилни ташкил этади. Аризачидан кўриб чиқиш учун консуллик тўлови 40 АҚШ доллари+маъмурий тўлов ундирилади.

Ўзбекистон Республикаси фуқаролигига қабул қилиш шартлари қуйидагилардан иборат:

1.    чет эл фуқаролигини рад этиш;

2.     Ўзбекистон Республикаси ҳудудида охирги беш йил давомида доимий яшаш;

3.     Ўзбекистон Республикаси ҳудудида яшаш учун қонуний манбанинг мавжудлиги;

4.      Ўзбекистон Республикаси Конституциясини тан олиш.