uz en ru

Тавсифлар

«Kasaba sayr» ШК билан ҳамкорликдан хурсандман. Поликлиника касаба уюшма ташкилоти билан бирга жорий йилда 40 нафар ходимларимиз Самар­қанд шаҳрида бўлиб қайтишди. Шу ўринда бир таклиф киритмоқчи эдим. Мамлакатимиз сайёҳлик кўлами ва тарихий обидаларининг кўплиги жиҳатдан дунёда олдинги ўринлардан бирида туради. Самарқанд, Хива, Бухоро шаҳарлари билан ҳар қанча фахр­лансак арзийди. Лекин биз билмаган бошқа тарихий обидалар ҳам анчагина. Ниятим, «Kasaba sayr» ШК ташкилоти ёрдамида ўша жойларга ҳам саёҳат уюштирилса, айни муддао бўларди.

Танзила Халилова — «Чилонзор Дента сервис» поликлиникаси кадрлар бўлими бошлиғи

"Каsaba sayr" шўъба корхонаси ёрдами билан 18-21 май кунлари "Ўзбектелеком" АК Самарқанд филиалида самарали фаолият юритаётган 27 нафар ишчи-ходимларимиз учун афсонавий Хива шаҳрига саёҳат уюштирилди. Саёҳатни ташкиллаштиришда ҳеч қандай муаммолар бўлмади. Жамоамиз номидан "Kasaba sayr" ШКга ўз миннатдорчилигимизни билдирамиз. Шу ўринда алоҳида, Т.Хидировга, Илхомжонга, Хива шахрида бизни кутиб олишдан-жўнатишгача ёнма-ён юриб, ташкилий ишларни елиб-югуриб бажарган Раззакова Дилдорахонга, гид қизимиз Усманова Назокатхонга, "Шамс Хива" меҳмонхонаси ходимларига каттадан-катта рахматлар айтиб қоламиз. Бундан кейин ҳам ўзимизнинг туристик компаниямиз билан ҳамкорликда Республикамизнинг диққатга сазовор жойларига саёҳатлар ташкил этамиз деган умидда, ишларига ривож тилаймиз.

Махмудова Назокат Нурмамедовна "Ўзбектелеком" АК Самарқанд филиали КУҚ раиси

ZO'R MA'LUMOTLAR, HAMMASI QIZIQARLI RAHMAT KATTAKON

JUMAGUL

Янгиликларга Обуна

Информерлар

Система Orphus

2014 -“Буюк ипак йўлида туризм” Тошкент халқаро ярмаркаси ўз ишини якунлади

Бош сахифа - Янгиликлар - 2014 -“Буюк ипак йўлида туризм” Тошкент халқаро ярмаркаси ўз ишини якунлади

Мана йигрманчи марта “Ўзекспомарказ” миллий кўргазмалар залида “Буюк ипак йўлида”  Тошкент халқаро ярмаркаси ўз ишини муваффақиятли якунлади. Ярмаркани UNWTO халқаро сайёҳлик ташкилоти ва “Ўзбектуризм” Миллий компанияси расмий қўллаб қувватлади.

Бу сафар ушбу ярмарка сайёҳлик маҳсулотларини илгари суриш ва соҳада алоқалар ўрнатиш бўйича ўзининг кўргазмали майдонининг халқаро миқиёсидаги ўрни қанчалик аҳамиятли эканлигини яна бир бор тасдиқлади.

Халқаро ярмарканинг очилиш маросими жорий йилнинг 6-октябрида “Ўзекспомарказ”нинг катта залида, маҳаллий соат 10:00 очилди.

Тадбирда иштирок этган ҳурматли меҳмонлар ичида UNWTOнинг  вакиллари, мамлакатимиздаги ва бошқа давлатларнинг вазирликлари, идоралари вакиллари, “Ўзбектуризм” Миллий компаниясининг раҳбарияти иштирок этди.

TXSYA доирасида ўтказилган уч кун мобайнида, фақатгина бир жойда Ўзбекистоннинг бутун сайёҳлик салоҳияти номойиш этилди. Бундан ташқари, кўргазманинг расмий қисми ўз ичига ҳар хил кўнгилочар дастурларни, танловларни, семинар-тренинглар ва давра суҳбатларини олди.

Кўргазманинг биринчи куни нафақат профессионал сайёҳлик соҳасидаги вакиллар учун, балки меҳмонлар учун ҳам ёрқин ва самарали тадбирлардан бири бўлди. Кўргазманинг барча кунлари фолклор-этнографик чиқишлар, Ўзбекистоннинг рақс гуруҳлари, миллий ошхона фестивали ва барча вилоятларнинг ўзига хос анъаналарини акс эттирувчи ҳунармандчилик маҳсулотлари  номойиш этилди. Павилонда савдо палаткалари, “Шарқона бозор” ва “Буюк ипак йўл таъми” экспозициялари ўтказилди. Ярмаркада ижро этилган концерт дастурлари унга янада завқ берди.  TXSYAнинг ҳамкор мамлакатлари сифатида Туркия, ўз сайёҳлик салоҳиятини миллий стендда намойиш этди. Сингапур, Доминикан Республикаси ва Россия ярмарканинг дебютант мамлакатлари ҳисобланади. Ушбу йилда Санкт-Петербург сайёҳлик тараққиёти кенгаши биринчи марта ушбу ярмаркада иштирок этди. Кенгаш стендида Россиянинг Шимолий қисмидаги ҳудудларида дам олиш имкониятлари ҳақида маълумотларга эга бўлибгина қолмасдан, Россия ва Ўзбекистон ўртасидаги иқтисодий, маданий алоқаларни ривожлантириш бўйича бир қанча келишувларга эришилди. “Ўзбектуризм” МК ва “Британия кэнгаши” томонидан ўтказилган “Туризм соҳасида ижтимоий ҳамкорлик: та'лим ва ишга жойлаштириш” мавзусидаги Халқаро форумда та'лим муассасалари вакиллари, университет ва коллеж талабалари иштирок этишди. Халқаро форум доирасида илмий-амалий конференциялар, давра суҳбатлари ўтказилди.

ОАВ ходимларини ўзига тортган тадбирлардан бири “ Hosted buyers / Профессионал харидор”  янги лойиҳаси бўлди. Ушбу лойиҳанинг мақсад ва аҳамиятидан бири ҳали хорижда бўлиб, ўз имкониятларини тарғиб қила олмаган янги туркомпанияларни бошқа мамлакатларнинг тур компаниялари билан соҳавий алоқалар ўрнатиш имкониятига эга бўлганлигидадир.  Яна бир кўзга кўринган янги тадбирлардан бири, халқаро узум фестивали ва “Узумнинг ёрқин шингиллари” экспозицияси бўлди. Ушбу тадбирнинг асосий мақсади Ўзбекистонда вино туризмини истиқболларини  ишлаб чиқиш ва ривожлантиришдан иборатдир.

Тадбирнинг ҳар уч кунида ўтказилган вино дегустацияси мамлакатимизда вино ишлаб чиқариш корхоналари ва дунёнинг бу соҳада муваффақиятга эришган етакчи ташкилотлари билан ўзаро тажриба алмашиш имкониятини берди.

“Узумнинг ёрқин шингиллари” тадбири ўз ичига ҳар хил мастер-класслар, номойишлар ва давра суҳбатларини олиб, унда Франсия, Италия, Болгария, Венгриядан келган соҳа мутахассислари иштирок этишди.

7 октябрда “Ўзбекистонда виночилик тарихи.  Сайёҳлик инфратузилмасида маҳаллий виночиликни татбиқ этиш салоҳияти” мавзусида давра суҳбати бўлиб ўтди.

Ярмарка доирасида  иштирокчиларга қўйидаги номинациялар бўйича дипломлар топширилди:

  1. Энг яхши сайёҳлик имконияти - Сингапур сайёҳлик Вазирлиги;
  2. Энг яхши соҳавий бўлим - Ўзбекистон санатория-курорт бошқармаси касаба уюшмаси кенгаши;
  3. Ҳадуднинг энг яхши стенди - Бухоро вилояти;
  4. Сайёҳлик ривожланиши бўйича энг яхши намойиш - Санкт-Петербург сайёҳлик ривожланиш кенгаши;
  5. Компаниянинг энг яхши намойиши - Хусусий Сайёҳлик ташкилотлари ассоциация;
  6. Энг яхши стенд - Малайзия сайёҳлик Вазирлиги;
  7. Ўзбекистон ҳудудларининг энг яхши намойиши - Жиззах вилояти, Қашқадарё вилояти, Фарғона вилояти;
  8. Меҳмонхоналарнинг энг яхши намойиши - «Лотте Сити Хотел Ташкент Палас»;
  9. Энг яхши стенд дизайни - «Миран Интернейшенал Хотел» меҳмонхонаси;
  10. Энг шахсий ижодий стенд - Туркия Республикаси Маданий ва Сайёҳлик Вазирлиги;
  11. Энг яхши стил бирлиги - «Азия Хотелс» меҳмонхоналар тармоғи;
  12. Энг яхши хизмат кўрсатиш - «Дедеман Силк Роад Ташкент »;
  13. Кўп йиллик самарали ҳамкор сайёҳлик кампанияси -«Энда Тур»;
  14. Фаол ва кўп йиллик ахборот  ҳамкори-“Ҳаммаси сайёҳлик тўғрисида” телевизион дастури - Эльмира Тухватуллина;
  15. Йилнинг энг яхши менежери - «Гранд Мир» меҳмонхонаси менежери - Ихсан Курт;
  16. Тошкент Халқаро Ярмаркасининг 20-юбилей тадбирида иштирок этган дебютант иштирокчилар - Марказий Осиёдаги Доминан Республикаси Сайёҳлик вазири вакиллари.
қўшилган сана: 08-10-2014
Кўрилди 1248