“Форбес” журнали Ўзбекистонни 2022-йилда саёҳат қилиш учун энг яхши 50 та йўналиш рўйхатига киритди

      Американинг “Форбес” молиявий-иқтисодий журнали Ўзбекистонни 2022-йилда энг яхши сайёҳлик йўналишлари 50-талигига киритди. Нашрнинг қайд этишича, жорий 2022-йил кўплаб ҳудудлар чекловлар туфайли ёпиқлигича қолаётганига қарамай, ўтган йилга нисбатан дунё бўйлаб саёҳат қилиш имкониятига бироз умид беради.“Ўзбекистоннинг ривожланган инфратузилмаси саёҳатчига Ўзбекистон пойтахти Тошкентдан Буюк ипак ё‘лининг асосий шаҳарлари бўлмиш Самарқанд, Бухоро ва Хивага бемалол етиб бориш имконини беради. Уч шаҳар тезюрар поездлар орқали яхши боғланган, Хива эса Совет давридаги поезд орқали Бухоро билан боғланган. Ушбу ё‘налишдаги деярли ҳар бир шаҳар ЮНЕСКОнинг Бутунжаҳон мероси рўйхатига киритилган ва диққатга сазовор жойларни таклиф қилиш учун жуда кўп. Қадимги Хива шаҳри Ичанқал’а ўзбек шаҳарлари орасида биринчи бўлиб Жаҳон мероси рўйхатига киритилган. Бухорода кўплаб бой безатилган қадимий мадрасалар (мактаблар), тарихий марказга ташриф буюриш ва қадимий савдо гумбазларида эсдалик совғаларини харид қилиш имкониятини қўлдан бой берманг. Самарқанд, албатта, нафис Регистон майдони билан ҳайратга солади. Тошкентда, одатда, қўзичоқ гўшти ва майдаланган сабзи қўшиб пишириладиган ан’анавий гуруч таоми бўлмиш паловнинг турли турларини то шимингиз ёрилиб кетгунча татиб кўришингиз мумкин”. - деб қайд этади нашр. Ушбу рейтинг муаллифлар 2020 йилгача ташриф буюриши мумкин бўлган энг машҳур йўналишлар асосида тузилган. Ҳозирда америкалик сайёҳлар учун очиқ жойларга устунлик берилди.