uz en ru

Тавсифлар

«Kasaba sayr» ШК билан ҳамкорликдан хурсандман. Поликлиника касаба уюшма ташкилоти билан бирга жорий йилда 40 нафар ходимларимиз Самар­қанд шаҳрида бўлиб қайтишди. Шу ўринда бир таклиф киритмоқчи эдим. Мамлакатимиз сайёҳлик кўлами ва тарихий обидаларининг кўплиги жиҳатдан дунёда олдинги ўринлардан бирида туради. Самарқанд, Хива, Бухоро шаҳарлари билан ҳар қанча фахр­лансак арзийди. Лекин биз билмаган бошқа тарихий обидалар ҳам анчагина. Ниятим, «Kasaba sayr» ШК ташкилоти ёрдамида ўша жойларга ҳам саёҳат уюштирилса, айни муддао бўларди.

Танзила Халилова — «Чилонзор Дента сервис» поликлиникаси кадрлар бўлими бошлиғи

"Каsaba sayr" шўъба корхонаси ёрдами билан 18-21 май кунлари "Ўзбектелеком" АК Самарқанд филиалида самарали фаолият юритаётган 27 нафар ишчи-ходимларимиз учун афсонавий Хива шаҳрига саёҳат уюштирилди. Саёҳатни ташкиллаштиришда ҳеч қандай муаммолар бўлмади. Жамоамиз номидан "Kasaba sayr" ШКга ўз миннатдорчилигимизни билдирамиз. Шу ўринда алоҳида, Т.Хидировга, Илхомжонга, Хива шахрида бизни кутиб олишдан-жўнатишгача ёнма-ён юриб, ташкилий ишларни елиб-югуриб бажарган Раззакова Дилдорахонга, гид қизимиз Усманова Назокатхонга, "Шамс Хива" меҳмонхонаси ходимларига каттадан-катта рахматлар айтиб қоламиз. Бундан кейин ҳам ўзимизнинг туристик компаниямиз билан ҳамкорликда Республикамизнинг диққатга сазовор жойларига саёҳатлар ташкил этамиз деган умидда, ишларига ривож тилаймиз.

Махмудова Назокат Нурмамедовна "Ўзбектелеком" АК Самарқанд филиали КУҚ раиси

ZO'R MA'LUMOTLAR, HAMMASI QIZIQARLI RAHMAT KATTAKON

JUMAGUL

Янгиликларга Обуна

Информерлар

Система Orphus

Ўзбекистонликлар ”Ўзбекистоннинг етти мўъжизаси”ни аниқлашади

Бош сахифа - Янгиликлар - Ўзбекистонликлар ”Ўзбекистоннинг етти мўъжизаси”ни аниқлашади

"Ўзбекистоннинг етти мўъжизаси"ни аниқлаш учун ташкил қилинган акциянинг финал босқичи бошланди. Ушбу акция орқали Ўзбекистоннинг энг машҳур тарихий ва сайёҳлик объектларига овоз берлиб, 7та ғолиб сараланади. Бу ҳақда ZiyoNET портали маълум қилган.

"Ушбу акция нафақат Ўзбекистоннинг диққатга сазовор жойларини оммалаштириш, балки мамлакатнинг маданий мероси билан таништириш орқали фуқароларнинг дунёқарашини кенгайтиришга ҳам қаратилган", дейилади портал хабарида.

Овоз бериш жараёни ZiyoNET таълим порталининг "Ўзбекистоннинг маданий мероси"бўлимида ўтказилади. Интернет фойдаланувчилари порталга кириб, ўзларига ёққан маданий, тарихий ёки табиат объектларини танлаб, унга овоз бериши мумкин.

Овоз бериш йил охиригача давом этади ва энг кўп овоз тўплаган объектлар Ўзбекистоннинг етти мўъжизаси рўйхатига киритилади.

Ушбу акцияда жами 374та объектга овоз берилади.

Айни вақтда энг кўп овозлар Хоразм вилоятидаги Оқ мачит обидасига берилган. Шунингдек, Ўзбекистон мўъжизаси деб ном олиш ҳуқуқига эга бўлиш имконияти Нукусдаги Савицкий музей ва Самарқанддаги Регистон майдонида нисбатан яхшироқ бўлиб турибди.

қўшилган сана: 03-11-2015
Кўрилди 1324