uz en ru

Тавсифлар

«Kasaba sayr» ШК билан ҳамкорликдан хурсандман. Поликлиника касаба уюшма ташкилоти билан бирга жорий йилда 40 нафар ходимларимиз Самар­қанд шаҳрида бўлиб қайтишди. Шу ўринда бир таклиф киритмоқчи эдим. Мамлакатимиз сайёҳлик кўлами ва тарихий обидаларининг кўплиги жиҳатдан дунёда олдинги ўринлардан бирида туради. Самарқанд, Хива, Бухоро шаҳарлари билан ҳар қанча фахр­лансак арзийди. Лекин биз билмаган бошқа тарихий обидалар ҳам анчагина. Ниятим, «Kasaba sayr» ШК ташкилоти ёрдамида ўша жойларга ҳам саёҳат уюштирилса, айни муддао бўларди.

Танзила Халилова — «Чилонзор Дента сервис» поликлиникаси кадрлар бўлими бошлиғи

"Каsaba sayr" шўъба корхонаси ёрдами билан 18-21 май кунлари "Ўзбектелеком" АК Самарқанд филиалида самарали фаолият юритаётган 27 нафар ишчи-ходимларимиз учун афсонавий Хива шаҳрига саёҳат уюштирилди. Саёҳатни ташкиллаштиришда ҳеч қандай муаммолар бўлмади. Жамоамиз номидан "Kasaba sayr" ШКга ўз миннатдорчилигимизни билдирамиз. Шу ўринда алоҳида, Т.Хидировга, Илхомжонга, Хива шахрида бизни кутиб олишдан-жўнатишгача ёнма-ён юриб, ташкилий ишларни елиб-югуриб бажарган Раззакова Дилдорахонга, гид қизимиз Усманова Назокатхонга, "Шамс Хива" меҳмонхонаси ходимларига каттадан-катта рахматлар айтиб қоламиз. Бундан кейин ҳам ўзимизнинг туристик компаниямиз билан ҳамкорликда Республикамизнинг диққатга сазовор жойларига саёҳатлар ташкил этамиз деган умидда, ишларига ривож тилаймиз.

Махмудова Назокат Нурмамедовна "Ўзбектелеком" АК Самарқанд филиали КУҚ раиси

ZO'R MA'LUMOTLAR, HAMMASI QIZIQARLI RAHMAT KATTAKON

JUMAGUL

Янгиликларга Обуна

Информерлар

Система Orphus

Японияликлар Ўзбекистон ҳақида ҳужжатли фильм суратга олди

Бош сахифа - Янгиликлар - Японияликлар Ўзбекистон ҳақида ҳужжатли фильм суратга олди

Япониянинг BS Asashi/TV Asashi телекомпанияси Ўзбекистоннинг Тошкент, Самарқанд, Бухоро, Хива каби қадимий шаҳарлари ва ўзбек халқининг тарихий-маданий мероси, меъморий ёдгорликлари, анъаналари ҳақида ҳужжатли фильм намойиш этади. Бу ҳақда «Ўзбектуризм» миллий компанияси расмий сайти хабар бермоқда.

Хабарда эслатилишича, 6—11 ноябрь кунлари Ўзбекистонга Япониянинг етакчи янгиликлар телекомпанияларидан бири BS Asashi/TV Asashi делегацияси республика бўйлаб махсус инфотурда иштирок этиш учун ташриф буюрди.

Ташрифдан мақсад Ўзбекистон ҳудудларида мамлакат сайёҳлик салоҳияти ҳақида ҳужжатли фильм суратга олишдан иборат бўлди.

Фильм Япония аудиториясини Ўзбекистон миллий сайёҳлик саноати тараққиётидаги асосий йўналишлар билан таништиради.

қўшилган сана: 18-11-2014
Кўрилди 1284