uz en ru

Тавсифлар

«Kasaba sayr» ШК билан ҳамкорликдан хурсандман. Поликлиника касаба уюшма ташкилоти билан бирга жорий йилда 40 нафар ходимларимиз Самар­қанд шаҳрида бўлиб қайтишди. Шу ўринда бир таклиф киритмоқчи эдим. Мамлакатимиз сайёҳлик кўлами ва тарихий обидаларининг кўплиги жиҳатдан дунёда олдинги ўринлардан бирида туради. Самарқанд, Хива, Бухоро шаҳарлари билан ҳар қанча фахр­лансак арзийди. Лекин биз билмаган бошқа тарихий обидалар ҳам анчагина. Ниятим, «Kasaba sayr» ШК ташкилоти ёрдамида ўша жойларга ҳам саёҳат уюштирилса, айни муддао бўларди.

Танзила Халилова — «Чилонзор Дента сервис» поликлиникаси кадрлар бўлими бошлиғи

"Каsaba sayr" шўъба корхонаси ёрдами билан 18-21 май кунлари "Ўзбектелеком" АК Самарқанд филиалида самарали фаолият юритаётган 27 нафар ишчи-ходимларимиз учун афсонавий Хива шаҳрига саёҳат уюштирилди. Саёҳатни ташкиллаштиришда ҳеч қандай муаммолар бўлмади. Жамоамиз номидан "Kasaba sayr" ШКга ўз миннатдорчилигимизни билдирамиз. Шу ўринда алоҳида, Т.Хидировга, Илхомжонга, Хива шахрида бизни кутиб олишдан-жўнатишгача ёнма-ён юриб, ташкилий ишларни елиб-югуриб бажарган Раззакова Дилдорахонга, гид қизимиз Усманова Назокатхонга, "Шамс Хива" меҳмонхонаси ходимларига каттадан-катта рахматлар айтиб қоламиз. Бундан кейин ҳам ўзимизнинг туристик компаниямиз билан ҳамкорликда Республикамизнинг диққатга сазовор жойларига саёҳатлар ташкил этамиз деган умидда, ишларига ривож тилаймиз.

Махмудова Назокат Нурмамедовна "Ўзбектелеком" АК Самарқанд филиали КУҚ раиси

ZO'R MA'LUMOTLAR, HAMMASI QIZIQARLI RAHMAT KATTAKON

JUMAGUL

Янгиликларга Обуна

Информерлар

Система Orphus

Чор Минор мажмуаси

Чор Минор меъморий обидаси Халфа Ниёзқул томонидан бунёд этилган. Ушбу иншоотнинг қурилишига ҳомийлик қилган Халфа Ниёзқул туркман уруғидан бўлиб, Амир Ҳайдар ҳукмронлиги даврида йирик давлат лавозимларида ишлаган. У XIX асрнинг ўрталарида вафот этган.

Чор Минор Бухорода манғитлар сулоласи ҳукмронлиги даврида бунёд этилган бўлиб, унинг ўзига хос томони шундаки, у тўртта минора билан ўраб олинган Ўрта Осиёдаги ягона иншоот ҳисобланади.
Чор Минор меъморчилик мажмуаси сўнгги ўрта асрларнинг охирги даврларида (XIX асрда), 1807-йилда бунёд этилган. Меъморий обиданинг қурилишида ҳар хил ўлчамдаги хом ва пишган ғиштлар, лой, ёғоч, тош ва шунга ўхшаш маҳсулотлардан кенг фойдаланилган.
Мажмуа чор қаватли минора, анъанавий усулда қурилган масжид, бир қаватли мадраса, атрофи бир қаватли ҳужралар билан ўралган ҳовлидан иборат. Синчли пешайвон типидаги масжид ҳовлининг жанубий-ғарбий бурчагида жойлашган (номи ҳам шундан). Минораларнинг тепа қисми гумбаз шаклида якунланган бўлиб, улар сиркори кошинлар билан безатилган. Икки қаватли хонанинг биринчи қавати миёнсарой кўринишида бўлиб, изоралари тошлар билан қопланган, томи гумбазли, иккинчи қавати кутубхона, кутубхонанинг шифти пастак гумбазли бўлиб, содда муқарнаслар ҳалқаси билан тўлдирилган. Иккинчи қаватга минораларнинг биридаги зина орқали чиқилади.
У ўз даврида масжид, мадраса, дарвешлар ва мусофирлар тунаб қолиши мумкин бўлган хонақоҳ вазифасини бажарган. Чор Минор мажмуаси Шарқ меъморчилик анъаналарини ўзида мужассамлаштирган, анъанавий “Чор” услубда бунёд этилган.
Меъморий обида бугунги кунда ҳам ўз давридаги вазифасини сақлаб қолган.

У Бухоро шаҳридаги бошқа меъморий обидалар қаторида ЮНEСКО ташкилотининг “Бутун Жаҳон маданий ёдгорликлари” рўйхатига киритилди. Ўзбекистон Республикаси Олий Мажлиси томонидан қабул қилинган 2000-йил 30-августда “Маданий мерос обйектларини муҳофаза қилиш ва улардан фойдаланиш” ҳамда 2008-йил 12-сентабр “Музейлар тўғрисида”ги қонунлари маданий мерос обйектларининг ҳуқуқий кафолатидир. Юқоридаги қонунлар ижроси сифатида меъморий обиданинг таъмирталаб қисмлари қайта тикланди, ён-атрофлари кўкаламзорлаштирилди.


МАНБА: Акбар Турғунович Замонов. “Тарих фанидан олимпиадага тайёрланамиз” (олимпиада иштирокчилари учун ўқув қўлланма) – Т.: 2012 й.

қўшилган сана: 27-10-2014
Кўрилди 5419

Бухоронинг диққатга сазавор жойлари