uz en ru

Тавсифлар

«Kasaba sayr» ШК билан ҳамкорликдан хурсандман. Поликлиника касаба уюшма ташкилоти билан бирга жорий йилда 40 нафар ходимларимиз Самар­қанд шаҳрида бўлиб қайтишди. Шу ўринда бир таклиф киритмоқчи эдим. Мамлакатимиз сайёҳлик кўлами ва тарихий обидаларининг кўплиги жиҳатдан дунёда олдинги ўринлардан бирида туради. Самарқанд, Хива, Бухоро шаҳарлари билан ҳар қанча фахр­лансак арзийди. Лекин биз билмаган бошқа тарихий обидалар ҳам анчагина. Ниятим, «Kasaba sayr» ШК ташкилоти ёрдамида ўша жойларга ҳам саёҳат уюштирилса, айни муддао бўларди.

Танзила Халилова — «Чилонзор Дента сервис» поликлиникаси кадрлар бўлими бошлиғи

"Каsaba sayr" шўъба корхонаси ёрдами билан 18-21 май кунлари "Ўзбектелеком" АК Самарқанд филиалида самарали фаолият юритаётган 27 нафар ишчи-ходимларимиз учун афсонавий Хива шаҳрига саёҳат уюштирилди. Саёҳатни ташкиллаштиришда ҳеч қандай муаммолар бўлмади. Жамоамиз номидан "Kasaba sayr" ШКга ўз миннатдорчилигимизни билдирамиз. Шу ўринда алоҳида, Т.Хидировга, Илхомжонга, Хива шахрида бизни кутиб олишдан-жўнатишгача ёнма-ён юриб, ташкилий ишларни елиб-югуриб бажарган Раззакова Дилдорахонга, гид қизимиз Усманова Назокатхонга, "Шамс Хива" меҳмонхонаси ходимларига каттадан-катта рахматлар айтиб қоламиз. Бундан кейин ҳам ўзимизнинг туристик компаниямиз билан ҳамкорликда Республикамизнинг диққатга сазовор жойларига саёҳатлар ташкил этамиз деган умидда, ишларига ривож тилаймиз.

Махмудова Назокат Нурмамедовна "Ўзбектелеком" АК Самарқанд филиали КУҚ раиси

ZO'R MA'LUMOTLAR, HAMMASI QIZIQARLI RAHMAT KATTAKON

JUMAGUL

Янгиликларга Обуна

Информерлар

Система Orphus

Улуғбек мадрасаси

Улуғбек мадрасаси Мовароуннаҳр ҳукмдори, буюк олим ва мунажжим Мирзо Улуғбекнинг буйруғига кўра 1417-1420 йилларда қурилган. Ушбу мадраса Марказий Осиёда сақланиб қолган энг қадимги ўқув юрти биносидир.
Улуғбекнинг кўрсатмасига биноан Бухоро ва Ғиждувонда ҳам мадрасалар қурилган. Барчанинг фикрига кўра, Самарқанддаги мадраса меъморий жиҳатдан уларнинг орасида энг мукаммалидир.
Мадрасанинг олд қисми майдонга қараган ва унда қатъий нисбатларда қурилган улуғвор пештоқ ажралиб туради. Пештоққа устида ҳозирда сақланиб қолмаган дарсхоналар гумбазлари қад кўтарган деворлар келиб туташади. Мадрасанинг бурчакларида тик миноралар мавжуд (уларнинг узунлиги 30 метрдан зиёд). Миноралар фақат азон айтиш ери бўлиб хизмат қилмаган, балки конструктив-техник мақсадларга ҳам хизмат қилган - пештоқ аркининг босимини озайтирган, шу билан бирга, бино композисиясига вертикал йўналишлар бахш этишдек эстетик вазифани бажарган.
Улуғбек мадрасаси Марказий Осиёнинг энг йирик ўқув юртларидан бири эди. Диний таълим муассаси Улуғбек даврида бошқача аҳамият касб этди. Бу ер нафақат диний, балки дунёвий: астрономия, математика, сўфизмнинг диний қобиққа ўралган ҳурфикрли фалсафаси фанларидан билим берадиган масканга айланди. Мадрасада даврининг Қозизода Румий каби олимлари ва Улуғбекнинг ўзи лексия ўқиганлар.
XX – асрда Улуғбек мадрасаси бир неча бор қайта таъмирланди. Мутақиллик йилларида мадраса яна бир бор тубдан таъмирланди ва бинонинг тарихий кўриниши қайта тикланди.

қўшилган сана: 27-10-2014
Кўрилди 2231

Самарқанднинг диққатга сазавор жойлари